Мюнхеннинг "Бавария" клуби "Лион"нинг ҳужумкор ярим ҳимоячиси Райан Шеркига қизиқишда давом этмоқда.

Мюнхенликлар франциялик футболчига анчадан бери қизиқиш билдиришган, бироқ футболчининг қийин характери туфайли январь ойида таклиф билан чиқишдан бош тортган, деб ёзади Sport Bild.

Шеркига мослашиш учун узоқ вақт керак бўларди, шунинг учун уни мавсум ўртасида сотиб олиш мақсадга мувофиқ эмас деб топилди.

Бироқ, манбага кўра, "Бавария" бу ёзда ўсиб бораётган юлдузни қўлга киритишга ҳаракат қилиши мумкин.

Аввалроқ хабар қилинганидек, футболчига "Байер" ва Дортмунднинг "Боруссия" клублари ҳам қизиқиш билдирмоқда.