"Барселона" марказий ҳимоячиси Иньиго Мартинес Мадриднинг "Атлетико" клубига (4:4) урган голи ҳақида фикр билдирди.
33 ёшли футболчи 41-дақиқада гол уриб, каталонияликларни ҳисобда олдинга олиб чиқди - 3:2. Ханс-Дитер Флиcк жамоаси 84-дақиқагача 4:2 ҳисобида олдинда эди, аммо иккита гол ўтказиб юбориб, ўйинни ғалаба билан якунлай олмади.
"Мен гол урдимми, йўқми, менга барибир. Мен ҳимоячиман ва менинг ишим рақибга гол уришга йўл қўймаслик. Кўриниб турибдики, биз тўртта гол ўтказиб юбориб, муваффақиятсизликка учрадик," - дея Мартинеснинг ўйиндан кейинги интервьюсидан иқтибос келтиради Barca Universal.
