Аббосбек Файзуллаев болалигида Ўзбекистонда қандай футбол ўйнагани ҳақида сўзлаб берди.
Вингер Сирдарё вилоятида туғилган. Футболчининг фаолиятидаги илк клуби Тошкентнинг "Пахтакор" клуби бўлган.
"Болалигим жуда қизиқарли ўтган. Уйимнинг ёнида катта чуқурлик бор эди. Боғчадан, мактабдан кейин ўша ерда ўйнардик.
Дадам ҳам биз билан ўйнарди. У дарвозада турарди. У дарвозага гол уришнинг иложи бўлмаслиги учун атайлаб доим кичкина қилиб қўярди. Аммо баъзида гол урардик.
Мен учун энг қимматли хотира - бу футбол," - дейди 21 ёшли ярим ҳимоячи.
