"Ливерпуль" бош мураббийи Арне Слот жамоани муваффақиятли бошқармоқда. "Қизиллар" 28 ўйиндан сўнг 67 очко билан турнир жадвалида бемалол пешқадамлик қилмоқда.
Шу тариқа Арне Слот ўзининг дебют мавсумида Премьер-лига чемпионлигини қўлга киритган тарихдаги бешинчи мураббийга айланишга яқин турибди. Нидерландиялик мураббийдан олдин бу ишни Жозе Моуриньо ("Челси", 2005), Карло Анчелотти ("Челси", 2010), Мануэль Пеллегрини ("Манчестер Сити", 2014) ва Антонио Конте ("Челси", 2017) қилишган.
Слот ўтган ёзда Юрген Клопп ўрнини эгаллади. Клопп қўл остида "Ливерпуль" 2019/20 йилги мавсумда Премьер-лига чемпионлигини қўлга киритди.













