ПСВ вингери Иван Перишич Чемпионлар лигасида "Арсенал"га қарши ўйин олдидан ўз фикрларини билдирди.
"Ўтган мавсумда "Арсенал"га муваффақиятга эришиш учун кўпинча кичкина деталлар етишмасди. Биз 100% тайёр бўлишимиз керак - шунда бизда ғалаба қозониш учун яхши имконият бўлади. Ажойиб мураббий бошчилигидаги ёш жамоага қарши қийин ўйин кутмоқда. Мен ПСВга ишонаман, биз ўзимизни яхши томондан кўрсатишимиз керак. Чемпионлар лигаси мадҳиясини эшитганингда, ҳар доим ўзгача ҳиссиётларни бошдан кечирасан," - деди матбуот анжуманида ўтмишда "Тоттенхэм" шарафини ҳимоя қилган 36 ёшли Перишич.
