"Манчестер Юнайтед" ва Англия терма жамоаси хужумчиси Уэйн Руни инглиз матбуотига берган интервьюсида ўзи учун энг қулай амплуа марказий ҳужумчи эканини таъкидлаб ўтди. Аммо шу билан бирга у жамоани тарк этишни хоҳлаб қолгани сабаби уни хужум орти футболчисига айлантиришгани эканини ҳам инкор қилди.
"Яқин йиллар ичида ярим ҳимояда тўп суришим мумкин, аммо марказий ҳужумчи амплуаси мен учун энг асосийсидир. Кўпроқ гол уришни хоҳлайман", дейди футболчи.
Эслатиб ўтамиз, Руни ҳозирча туманли Альбионда ўйнаяпти, аммо клубдан ўзини трансферга қўйишларини сўраган.













