"Барселона" вингери Рафинья Чемпионлар лигаси 1/8 финалида "Бенфика"га қарши биринчи ўйиндан сўнг ўз фикрларини билдириб ўтди.
"Қизил карточкадан кейин майдонда қандай ҳаракат қилишимиз кераклигини, ўйин қийин бўлишини билдик.
Менимча, бу катта нарса учун курашмоқчи бўлган жамоа учун энг муҳим ютуқ эди.
Олдинда бизни янада қийин ўйинлар кутаётганини тушунишимиз керак. Ўйлайманки, жамоа бугунги оқшом жуда яхши ўйнади, биз жуда муҳим натижага эришдик", деди бразилиялик футболчи журналистларга берган интервьюсида.













