Ҳимоячи Марк Кукурелья яқин келажакда клубини ўзгартириши мумкин.
TodoFichajes портали саҳифаларида хабар қилинганидек, 26 ёшли Кукурелья "Атлетико"нинг қизиқиш марказида бўлиб турибди.
Мадрид клуби футболчи учун 30 миллион евро таклиф қилиши мумкин.
Музокаралар осон кечмайди, аммо Кукурелья учун Испанияга қайтиш ва Диего Симеоне қўл остида ўйнаш имконияти жозибадор вариант бўлиши мумкин.
2024/2025 йилги мавсумда Марк Кукурелья 30 та ўйин ўтказиб, 4 та гол урди ва жамоадошларига 3 та голли узатмани амалга оширди.
Кукурельянинг амалдаги шартномаси уни 2028 йилнинг ўрталарига қадар "Челси" билан боғлайди.
