Аёллар ўртасидаги Испания кубогининг ярим финалидан ўрин олган "Барселона" - "Реал" илк учрашуви якунига етди. Ушбу ўйинда Каталония клуби "қаймоқранглилар"ни 5:0 ҳисобида мағлубиятга учратди.
"Кўк-анорранглилар" ҳужумчиси Эва Пайор хет-трик қайд этди.
"Барселона" ва "Реал" ўртасидаги жавоб учрашуви 12 март куни бўлиб ўтади.
"Кўк-анорранглилар" аёллар ўртасидаги Испания кубогининг амалдаги ғолиби ҳисобланади. Мазкур мусобақанинг ўтган раундида "Барселона" "Реал Сосьедад"га қарши баҳс олиб борди. Каталония клуби Сан-Себастьян жамоасини 8:0 ҳисобида мағлуб этди.
Шунингдек, "Барселона" ушбу мусобақада ғалаба қозониш бўйича рекордчи ҳисобланади. "Кўк-анорранглилар" 10 марта Испания кубогини қўлга киритган.
