"Рома" бош мураббийи Клаудио Раньери Европа Лигаси 1/8 финал дастлабки ўйинида "Атлетик" устидан қозонилган ғалабага (2:1) муносабат билдирди.

"Ғоя ўйин бошланишидан олдин кўпроқ вариантларга эга бўлиш эди. Режа билан бошлайсиз, кейин майдондаги ўйинчиларга қандай ёрдам бера олишингизни кўрасиз. Бугун қийин бўлди, Бильбаода эса янада қийин бўлади. "Атлетик"нинг кучли томонларини биламиз. Биз ҳар бир тўп учун курашамиз ва бу менга умид бағишлайди. Бизда кейинги босқичга ўтиш учун 50 фоиз имконият бор.

Шу йўлдан боришда давом этишимиз, аниқроғи, пас беришимиз ва тезроқ ўйнашимиз керак. Биз майда деталларни такомиллаштиришимиз керак, чунки айнан улар жамоани буюк қилади," - дея Раньерининг сўзларини келтиради УEФА матбуот хизмати.