"Барселона" хужумчиси Неймар навбатдаги интервьюсида Каталония клуби шарафини ҳимоя қилишидан хурсанд эканлигини айтиб ўтди.
Эслатиб ўтамиз, собиқ "Сантос" футболчиси бир неча кун олдин "кўк-анорранглилар" сафига келиб қўшилган эди.
"Леонель Месси ёнида ўйнаш ва унга ёрдам беришдан жуда хурсандман. У менинг футбол кумирим бўлган ва бундан кейин ҳам шундай бўлиб қолади. Унинг ёнида тўп суриш мен учун катта тажриба мактаби бўлади. Ўз вақтида Роналдиньо ҳам "Барса" ва Бразилия терма жамоаси тарихида қолганди. Менинг бу ердаги фаолиятим эса энди бошланмоқда ва умид қиламанки, "Барселона" тарихида яхши ном қолдираман", дейди Неймар.