"Манчестер Сити" бош мураббийи Пеп Гвардиола ўз футболчиларининг шахсий ҳаётини назорат қилмаслигини айтди.
Шу ҳафта бошида Грилишнинг Ньюкаслдаги бардан маст ҳолда чиқиб кетгани акс этган видео ижтимоий тармоқларда тарқалди.
Бу "Манчестер Сити"нинг Англия кубогида "Плимут" устидан 3:1 ҳисобида ғалаба қозонганидан бир кун ўтиб содир бўлди. Грилиш бу беллашувда тўлиқ 90 дақиқа ўйнади.
Грилиш ёшлигидаги саргузаштлари билан танилган, аммо Гвардиола машғулотлар ва ўйинларда ўз футболчилари ҳақида хулоса чиқаришни афзал кўради.
"Дам олиш куни бу - дам олиш куни. Уларнинг шахсий ҳаётлари бор, улар хоҳлаган нарсани қилишлари мумкин. Мен уларнинг шахсий ҳаётида нима қилишларини назорат қилмайман.
Мен уларни майдонда кўрганларим, машғулотлар ва ўйинларда кўрганларимга қараб баҳолайман", - деди Гвардиола BBC билан суҳбатда.
