Франциянинг “Марсель” клубида ўйнаётган инглиз ҳужумчиси Мэйсон Гринвуд терма жамоасини ўзгартиришни сўради – у ота-онаси туғилиб ўсган Ямайка терма жамоасида ўйнаш ниятида.
Тегишли сўров аллақачон юборилган, фақат Ямайка футбол федерациясидан жавоб кутиш қолади. Аммо улар бундай истиқболли футболчини қўлга киритиш имкониятини қўлдан бой беришига шубҳа йўқ.
Демак, Гринвуд бундан буён Англия терма жамоасида ўйнамайди – регламент бундай ўзгартиришни фақат бир марта амалга оширишга рухсат беради.
Ямайка терма жамоаси ўз тарихида фақат бир марта жаҳон чемпионатининг финал қисмида иштирок этган, бу 1998 йилда бўлган.
