Нуфузли GiveMeSport нашри Чемпионлар лигаси тарихидаги энг яхши дарвозабонлар рейтингини тузиб чиқди.
Рўйхатда биринчи ўринни “Бавария” футболчиси Мануэль Нойер эгаллади. У фаолияти давомида икки марта Чемпионлар лигасида ғолиб чиққан.
Иккинчи ўрин "Реал"нинг афсонавий собиқ дарвозабони Икер Касильясга насиб этди. У Чемпионлар лигасининг тўртта совринини қўлга киритди.
Кучли учликни “Манчестер Юнайтед” фахрийси Эдвин ван дер Сар якунлаб турибди.
Рейтингни тузишда нафақат мукофотлар сони, балки шахсий статистика, экспертлар ва журналистларнинг фикрлари ҳам ҳисобга олинди.
