"Барселона"га 19 ёшли ҳужумчи Нейсер Вильярреал билан шартнома имзолаш таклифи тушди. Истеъдодли футболчи ватани Колумбиянинг "Милонариос" жамоасида ўйнайди.
Хабарда айтилишича, Вильярреалнинг шартномаси 2025 йилда якунига етади. Футболчи аллақачон "Милионариос"нинг шартномани узайтириш уринишларини рад этган. Таъкидланишича, форвард ёзда 3 миллион евро эвазига ёки йил охирида эркин агент сифатида сотиб олиниши мумкин.
"Милионариос" футболчи учун "Васко да Гама" билан 4 миллион евро эвазига дастлабки келишувга эришди, бироқ футболчининг агентлари Европадан ташқари клублар билан музокара қилишдан бош тортди.
