"Челси" ҳамон "Милан" форварди Рафаэль Леауни ўз радарида сақлаб турибди. TodoFichajes портали маълумотларига ишонадиган бўлсак, Лондонда 25 ёшли португалияликни 2025 йилда ҳужумни кучайтириш учун асосий нишон сифатида белгилашди.
Йил бошида "Милан" "Челси"нинг Леау бўйича 75 миллион евролик таклифини рад этганди. "Россонерилар" жамоа Чемпионлар лигасига чиқа олмаса, ёзда юлдуз форвардни 100 миллион еврога сотишга тайёр.
Рафаэль Леау Европанинг бошқа грандлари, жумладан, "Манчестер Юнайтед" ва "Барселона"га ҳам қизиқ. Шундай экан, ёзги бозорда португалиялик учун кураш қизғин кечиши мумкин.
