Мадриднинг “Атлетико” клуби чоршанба куни “Реал”га пенальтилар сериясида ютқазиб, Чемпионлар лигасидан чиқиб кетди.

"Матрасчилар" учун фойдаланилмаган пенальтилардан бирини ҳужумчи Хулиан Альварес амалга оширди.

Аргентиналик футболчи тўпни дарвозага йўллади, аммо ВАР аралашувидан сўнг гол инобатга олинмади – ҳакамлар зарба беришдан олдин футболчи сирпаниб кетиб, иккинчи оёғи билан тўпга тегиб кетганини кўрди.

Кейинроқ УEФА қабул қилинган қарорни тушунтирди, аммо "Атлетико" воқеа талқинидан норози бўлди. “Биз биламизки, натижани энди ўзгартириб бўлмайди.

Хато қанчалик яққол кўринмасин, ўйин натижаси ўзгармайди, аммо бу воқеадан ва унинг жамоамизга таъсиридан қаттиқ хафамиз.

Бу миллионлаб мухлисларнинг умидларини пучга чиқарди ва ўйинчиларнинг ажойиб саъй-ҳаракатларини инкор этди", - дейилади "Атлетико" баёнотида.