Якшанба куни Франция чемпионатида "ПСЖ" - "Марсель" учрашуви бўлиб ўтади. L’Equipe нашрининг хабар беришича, Париж клубининг айрим ходимларига мухлислар ўртасида тарғибот ишларини олиб бориш топширилган. "ПСЖ" мухлисларнинг хатти-ҳаракатлари туфайли ўйин тўхтатилиши мумкинлигидан хавотирда.

Қайд этилишича, "ПСЖ" "Марсель" таркибида ярим ҳимоячи Адриен Рабьонинг майдонга тушишига тайёргарлик кўрмоқда. Илгари у парижликларнинг ёшлар ва асосий жамоасида ўйнаган. "ПСЖ" мухлислари Рабьони ва футболчининг ишларини олиб борувчи онасини ҳақорат қилишлари мумкин. Умуман олганда, Парижда ҳақоратли қичқириқлар ва баннерларга йўл қўймаслик бўйича ишлар олиб борилмоқда.