"Милан" бош мураббийи Сержиу Консейсау А Серия шанба кунги "Комо"га (2:1) қарши ўйиндан сўнг ўз фикрларини билдириб ўтди.
"Биз жуда чуқур ҳимояландик, прессинг учун вақтни нотўғри танладик, шунинг учун "Комо"га биринчи бўлимда қулай эди. Танаффусда ўзгартиришлар киритишга мажбур бўлдик. Энг яхши ўйинимиз эмас, лекин ғалабага лойиқ эдик.
Яхши тайёргарлик кўрган рақибга ҳисобда ортда қолаётганимизда осон бўлмади. Қатъият кўрсатиш керак бўлди. Биз "Комо"нинг заиф томонларидан қандай фойдаланишни билардик," - деди Консейсау DAZN билан суҳбатда.













