Мюнхеннинг "Бавария" клуби Дортмунднинг "Боруссия" клуби ҳужумкор ярим ҳимоячиси Жейми Байно-Гиттенсга қизиқиш билдирмоқда, бу ҳақда инсайдер Флориан Плеттенберг ижтимоий тармоқлар орқали хабар берди.
20 ёшли англиялик вингернинг трансфер нархи 50 миллион еврога баҳоланмоқда. У "Бавария" учун ҳужум қанотларига номзодлардан бири ҳисобланади. Жорий мавсумда 20 ёшли футболчи Бундеслиганинг 26 ўйинида еттита гол ва учта голли узатма муаллифи бўлди.
Қўшимча қиламизки, немис гранди манфаатлари доирасида Нико Уильямс ("Атлетик" Бильбао) ва Флориан Вирц ("Байер") ҳам бор.
