Якшанбадан душанбага ўтар кечаси "Интер Майами" МЛСда "Атланта Юнайтед"ни 2:1 ҳисобида мағлуб этди. Лионель Месси майдонни голсиз тарк этмади - аргентиналик ҳужумчи биринчи бўлимда ўз имкониятидан чиройли фойдаланди.
Ижтимоий тармоқларда ўйин бошланишидан олдин олинган видео пайдо бўлди. Месси майдонга кираётганида мухлислардан бири футболчининг оёғи остига "Барселона" футболкасини улоқтирган. Лионель буни кутмаганди ва собиқ жамоасининг футболкасини босиб ўтди. Кейин аргентиналик футболчи либос қайси тарафдан улоқтирилганини кузатди. Месси "Барселона" либосини ердан олиб қўйишга ошиқмади ва у майдонга чиқишда давом этди.
Эслатиб ўтамиз, Лионель Месси Аргентина терма жамоасининг март ойида бўлиб ўтадиган йиғинига чақирилмаган эди.
