"Реал" Мадрид клуби ва Испания терма жамоасининг афсонавий собиқ дарвозабони Икер Касильяс Мануэль Нойерга мурожаат қилди.
Февраль ойида "Бавария" сардори клуб билан шартномани 2026 йилнинг ярмигача узайтирди. Жорий ой охирида германиялик дарвозабон 39 ёшга тўлади.
"Ману - барча дарвозабонлар учун намуна, футбол тарихидаги энг яхшилардан бири. Мен унга ўйиндан завқ олиб, ўзини кўрсата олгунча фаолиятини давом эттиришни маслаҳат берган бўлардим. Мен ҳам узоқроқ ўйнашни хоҳлардим, лекин мен билан муаммо [юрак хуружи] юз берди. Албатта, Нойер имкон қадар футболда қолиши керак," - дея Касильяснинг сўзларини келтиради журналист Керри Хау.
