Журналист Саша Тавольерининг ёзишича, жорий мавсум Виржил ван Дейк учун "Ливерпуль"даги сўнгги мавсум бўлиши мумкин.

Нидерландиялик марказий ҳимоячининг "қизиллар" билан шартномаси ёзда тугайди ва кийиниш хонасига яқин манбалар унинг профессионал фаолиятини якунлашдан олдин хорижда яна бир саргузаштни бошдан кечиришни хоҳлаётганини айтмоқда.

Аввалроқ, "Ал-Ҳилол" ван Дейкка биринчи таклифни бериб бўлгани, бироқ ҳимоячи кўпроқ МЛСга ўтишга моил экани хабар қилинганди. Америка маданиятининг ашаддий мухлиси бўлган нидерландиялик футболчи дўсти Кевин Де Брюйне каби қарор қабул қилиши ва шартнома муддати тугаганидан фойдаланиб, узоқ йиллик орзусини амалга ошириши - Европадаги футбол юлдузларига хос бўлган босимдан узоқда, океан ортида ўйнаши мумкин.