Жанубий Кореянинг "Ханкук илбо" нашри яқинлашаётган ўйин ҳақида бир қатор фикрларни ўртага ташларкан, "Бош мураббий Чой Канг Хи: "Биз Ўзбекистондан кучлимиз" деб бот-бот такрорлаётган бўлса ҳам хотиржамликка берилиш ярамайди. Чунки ўзбеклар жамоасини Кей-лигани йиғлатган мураббий бошқармоқда. Ярим ҳимоя ва ҳужум чизиғидаги футболчилар кей-лига "ҳавосидан нафас олишган". Шундай экан, хотиржамликка ҳали эрта" деб ёзади.

"Уларни биздан кучсиз дейиш нотўғри. Сафар ўйинларини ўз фойдаларига ҳал этишмоқда. Кей-лигада тўп тепган футболчилар Чой Канг Хини уялтириб кетишмаса эди", дея нашр хавотир билдираркан, "Футболчиларимиз Ўзбекистонга қарши худди финал ўйинига чиққандек ҳаракат қилишлари лозим", деб ёзади.

Отабек Йўлдошев
Жанубий Корея, Сеул