"Манчестер Сити" келаси ёзда таркибни кучайтиришни режалаштирмоқда. "Шаҳарликлар" бош мураббийи Хосеп Гвардиола клубни "ПСЖ" вингери Дезире Дуэни ўз сафига қўшиб олишга ундамоқда, деб ёзади "Фичажес" ўз саҳифаларида.
Қайд этилишича, "Манчестер Сити" 19 ёшли Дуэ учун 90 миллион евро тўлашга тайёр. Шу билан бирга "ПСЖ" футболчи билан хайрлашишни режалаштирмаяпти.
"ПСЖ"да Дезире Дуэ ўтган йилнинг август ойи ўрталарида "Ренн"дан трансфер қилинганидан бери тўп тепиб келмоқда. Ўшандан бери футболчи 39 та расмий ўйинда майдонга тушиб, 7 та гол урди ва шерикларига 11 та голли узатмани амалга оширди. Март ойида Дуэ Франция терма жамоасига чақирув олди.
