Нико Шлоттербек бир нечта топ-клубларга қизиқ.
Аввалроқ, 25 ёшли ҳимоячининг трансферини "Ливерпуль" кўриб чиқаётгани маълум бўлганди. Bild хабарига кўра, "Боруссия" футболчисига "Арсенал," "Ньюкасл," "Реал" ва "Барселона" клублари ҳам қизиқиш билдирмоқда.
Дортмундликлар футболчи билан янги узоқ муддатли шартнома имзоламоқчи - амалдаги келишув 2027 йилгача мўлжалланган. Ҳозирда Шлоттербек 5 миллион евро атрофида маош олмоқда, аммо шартнома узайтирилса, унинг маоши икки баробарга ошиши мумкин.
Нико жорий мавсум Бундеслигада 22 та ўйинда майдонга тушди.
