"Интер" ярим ҳимоячиси Ҳакан Чалханўғлу Туркия терма жамоасидаги жамоадоши, "Реал Мадрид" вингери Арда Гюлернинг жамоадошига айланишига умид билдирди.
"Арда терма жамоа учун жуда муҳим футболчи. У ҳам менинг укам, мен уни жуда яхши кўраман, буни ҳамма билади. Албатта, унинг “Интер”га келиб ўйнашини истайман. Ҳаммага сифатли футболчилар керак. Аммо Мадридда унинг тақдири қандай кетаётганини билмайман ва аралашишни истамайман. У ҳамма нарсани билади.
Албатта, мен унга кўпроқ ўйин амалиётига эга бўлишини маслаҳат бераман. Чунки у бунга лойиқ. Умид қиламанки, у бизга келади", - деди Чалҳанўғлу Ajansspor билан суҳбатда.
Жорий мавсумда Гюлер "Реал Мадрид" сафида барча мусобақаларда 30 та ўйинда майдонга тушиб, 3 та гол урди ва 5 та голли узатмани амалга оширди. Аксарият ўйинларда туркиялик футболчи иккинчи бўлимда майдонга тушди.
