Аргентина ЖЧ-2026 йўлланмаси учун Бразилия билан ўйинда 1 очко тўплаши кифоя.
Аргентина терма жамоаси ЖЧ-2026 саралаши доирасида Жанубий Америкада сафарда Уругвайни мағлуб этди (1:0).
Лионель Скалони бошчилигидаги жамоа 13 ўйинда 28 очко тўплаган ҳолда саралаш жадвалида пешқадамлик қилмоқда ва 7-ўриндаги Боливиядан 15 очкога олдинда бормоқда.
Аргентиналиклар кейинги ўйиндаёқ ЖЧга тўғридан-тўғри йўлланмани қўлга киритишлари мумкин. Жамоа ўз майдонида Бразилияга қарши ўйинда (25 март, Тошкент вақти билан бошланиши - 26 март, 05:00) дуранг ўйнаса кифоя. Кейинги саралаш ўйинлари июнь ойида бўлиб ўтади.
