"Манчестер Сити" марказий ҳимоячиси Мануэль Аканжи Мадриднинг "Реал" клубига таклиф қилинди.
"Қироллик клуби" узоқ вақтдан бери ҳимоя марказини кучайтириш учун ҳаракат қилмоқда, аммо шартнома имзолашга шошилмаяпти. Журналист Хосе Феликс Диас хабарига кўра, "Реал"га Аканжининг хизматлари таклиф қилинган, бироқ Мадрид гранди босслари бундай вариантни кўриб чиқишдан бош тортган - улар швейцариялик футболчи трансфер сиёсатига мос келмайди, деб ҳисоблаган.
Июль ойида Мануэль Аканжи 30 ёшга тўлади. Футболчининг "Манчестер Сити" билан шартномаси 2027 йилнинг ярмигача мўлжалланган бўлиб, унинг трансфер нархи машҳур Transfermarkt портали талқинига кўра 32 млн еврони ташкил этади.
