"Монако"нинг ўнг қанот ҳимоячиси Вандерсон "Барселона"га ўтиши мумкин. 23 ёшли футболчини ўз сафига қўшиб олиш ғоясини бразилиялик футболчининг ўсишини кузатиб келаётган "кўк-анорранглилар" спорт директори Деку илгари сурмоқда. Журналист Хоаким Перанинг ёзишича, Каталония гранди аллақачон Вандерсоннинг ёзги трансфери устида ишламоқда. Монегасклар "Барса"нинг қизиқиши ҳақида эшитишган, футболчининг ўзи эса трансферга тайёр ва битим амалга ошиши учун қўлидан келган барча ишни қилади.

Transfermarkt портали Вандерсоннинг нархини 20 млн еврога баҳоламоқда. Латераль жорий мавсум "Монако" сафида жами 34 та ўйинда майдонга тушди ва 2 та гол ҳамда 4 та голли узатмага муаллифлик қилди.