Нидерландия терма жамоаси бош мураббийи Рональд Куман 23 март куни бўлиб ўтадиган Миллатлар лигаси 1/4 финалидан ўрин олган Испанияга қарши жавоб ўйинидан нималар кутаётгани ҳақида гапирди.
"Юқори интенсивликдаги яна бир ўйинни кутяпман. Ҳар икки жамоа пайшанба куни ўйиндан хулоса чиқаради. Яхшиланиши мумкин бўлган нарсалар бор. Биз ҳали ҳам яхшироқ ўйнашимиз мумкин, лекин мен пайшанба куни ҳаммаси қандай ўтганидан мамнунман. Ўйлашимча, бу терма жамоа бош мураббийи лавозимига иккинчи марта тайинланганимдан кейинги энг яхши ўйинимиз бўлди.
Бизда асосий таркибда кучли 11 футболчи ва яхши захира ўриндиғи бор, аммо уларни ҳайратда қолдириш учун ниманидир ўзгартира оламиз, деб ўйламайман," - деди Куман.
