Бразилия терма жамоаси афсонаси Роналдо Неймарнинг ЖЧ-2026да ўйнаш имкониятларини баҳолади. Аввалроқ, "Сантос" ҳужумчиси бош мураббий ва тиббий штаб қарори билан март ойидаги ўйинлар учун терма жамоадан четлатилган эди.
"Мен бунга ишонаман. Неймар жуда истеъдодли, аммо у қурбонликларга тайёр бўлиши керак. Ҳаммаси фақат унга боғлиқ.
Бу қурбонлик аниқ шунга арзийди. Жаҳон чемпионатига бир йил қолди. Агар у турнирга яхши формада келса, бизда яхши имкониятлар бўлади. Лекин у бир неча нарсалардан воз кечиши керак. У (фақат) овқатланиши, машқ қилиши ва ухлаши керак бўлади," - дея Роналдонинг сўзларини келтиради A Bola.
