"Реал Мадрид" аёллар ўртасидаги баҳсда илк бор "Барселона"ни мағлуб этди.
Каталониядаги учрашув мадридликларнинг 3:1 ҳисобидаги ғалабаси билан якунланди. Ўйиннинг 41-дақиқасида Альба Редондо ҳисобни очган бўлса, 67-дақиқада Каролина Грэм Хансен ҳисобни тенглаштирди, 87 ва 97-дақиқаларда Кэролайн Уир иккита гол урди.
Бунгача "Реал Мадрид" аёллари "Барселона"га 18 та ўйиннинг барчасида мағлуб бўлган эди.
Энди пешқадам "Барселона" 23-турдан кейин турнир жадвалида Мадриддан 4 очко олдинда.
El Pais нашри ёзганидек, ҳисоб 1:1 бўлганида, ҳакам ВАР йўқлиги сабабли "Барселона"нинг голини ноҳақлик билан рад этди.
А Mundo Deportivo таъкидлашича, "қаймоқранглилар"нинг учинчи голи хато ҳисобланган, чунки тўп дарвоза чизиғини кесиб ўтмаган.
