Франция терма жамоаси бош мураббийи Дидье Дешам терма жамоадаги собиқ шериги Зинедин Зидан билан можаро борлиги ҳақидаги хабарларни рад этди.
"Буларнинг барчаси миш-мишлар! Биз кўп йилларни бирга ўтказдик. Орамизда ҳали ҳам катта ҳурмат бор. Дарвоқе, охирги марта бир-биримизни кўриб, фикр алмашиб, яхши суҳбатлашдик, иккаламиз ҳам бир-биримизнинг муваффақиятларимизни тан олдик.
Мен унинг яқин дўстларидан эмасман. Иккаламизнинг ҳам ўз ҳаётимиз бор, лекин нима бўлишидан қатъий назар, орамизда доимо ҳурмат бўлади", - деди Дешам Le Figaro нашрига берган интервьюсида.
Шу йилнинг январь ойида Дешам 2026 йилги жаҳон чемпионатидан сўнг ўз лавозимини тарк этишини маълум қилганди. Франция ОАВларининг ёзишича, Зидан Франция терма жамоасининг янги бош мураббийи лавозимига асосий номзод ҳисобланади.
