Франция терма жамоаси бош мураббийи Дидье Дешам УЕФА Миллатлар лигаси чорак финалининг жавоб учрашуви олдидан Хорватия терма жамоаси ҳақида гапирди. Учрашув бугун, 23 март куни бўлиб ўтади. Ўйин Тошкент вақти билан 00:45да бошланади. Дастлабки учрашувда "уч ранглилар" 0:2 ҳисобида имкониятни бой берганди.
"Улар ўтган Жаҳон чемпионати ва сўнгги Миллатлар лигасида ярим финалчилар бўлишган. Улар жуда яхши жамоа. Уларда ёши каттароқ футболчилар бор, деб айтишлари мумкин, аммо бу уларнинг яхши ўйин кўрсатишига тўсқинлик қилмайди. Мен ҳатто ҳамкасбим Далични табрикладим, чунки у жамоани қабул қилиб олганидан бери уни энг юқори савияда сақлаб келмоқда", - деди Дешам RMC Sport билан суҳбатда.
