Мадриднинг "Реал" клуби ярим ҳимоячиси Арда Гюлер клубда ўзини қандай ҳис қилаётгани ҳақида гапирди.
Матбуотда туркиялик футболчи Карло Анчелоттидан норози экани ҳақида тинимсиз гап-сўзлар тарқалмоқда. Ҳужумкор хавбек жамоани тарк этиши ҳам мумкинлиги айтилмоқда, аммо ҳужумкор ярим ҳимоячининг ўзи таркиб учун курашни давом эттиришига ишонтирмоқда.
"Мен "Реал" мухлисларини яхши кўраман, уларнинг қўллаб-қувватлаши мен учун жуда муҳим. Мен муҳим роль ўйнаш учун келдим ва бунга эришмагунимча тўхтамайман," - деди 20 ёшли футболчи Marca нашрига берган интервьюсида.
