"Барселона" ҳужумчи Ферран Торресга янги шартнома бўйича таклиф тайёрламоқда.
Клубдагилар испаниялик футболчининг жорий мавсумдаги ўйинларидан жуда мамнун - айниқса, унинг профессионаллиги ва ҳеч қандай шикоятларсиз, захира ўйинчиси бўлишига қарамай, борини беришга тайёрлиги қадрланади. Diario Sport хабарига кўра, 25 ёшли футболчига 2029 йилгача мўлжалланган янги шартнома таклиф қилинади. Ҳужумчининг маоши аввалгидек қолади, бонуслар эса ошади.
Ферран Торрес 2022 йил бошидан буён "Барселона" шарафини ҳимоя қилиб келмоқда. Жорий мавсумда футболчи Ханс-Дитер Флиcк жамоаси сафида барча мусобақаларда 32 та ўйинда майдонга тушиб, 13 та гол ва учта голли узатмани ўз ҳисобига ёздириб қўйди.
