"ПСЖ" мухлисларига Лига 1 сафар ўйинига ташриф буюриши тақиқланди.
"Сент-Этьен"га қарши ўйинда француз гранди мухлислари бўлмайди.
Луара префектураси "ПСЖ" мухлисларига шанба оқшомида ўйинни томоша қилиш тақиқлангани сабабини маълум қилди. Уларнинг сўзларига кўра, "икки жамоа мухлислари ўртасидаги қарама-қаршилик билан боғлиқ жамоат тартибини бузиш хавфи мавжуд."
Бу ўйин "ПСЖ" учун чемпионлик ўйини бўлиши мумкин. Бунинг учун "Сент-Этьен" устидан ғалаба қозонишдан ташқари, "Реймс"га қарши ўйинда "Олимпик Марсель"нинг мағлубияти, "Ницца" ва "Монако" ўртасидаги дуранг керак.
Эслатиб ўтамиз, "ПСЖ" 29 март куни Тошкент вақти билан соат 23:00да "Сент-Этьен"га қарши баҳс олиб боради.
