Виктор Осимхен ижара асосида тўп тепаётган Туркиянинг "Галатасарой" клуби "Наполи"га нигериялик футболчининг тўлақонли трансфери бўйича илк таклифни берди. Бу ҳақда Fotomac хабар берди.
"Галатасарой" 65 миллион евро таклиф қилгани айтилмоқда, аммо "Наполи" президенти де Лаурентис бир зумда "камида 75 миллион евро" деб жавоб берди. Шу билан бирга, "Галатасарой" раҳбарияти таклиф билан тўлиқ танишиб чиқмасдан туриб, кескин қадамлар қўймаслик кераклигини айтди, дея таъкидлайди манба.
Бу мавсумда 26 ёшли Осимхен турк клуби сафида барча мусобақаларда 30 та ўйинда 26 та гол урди. Шунингдек, ҳужумчининг ҳисобида бешта голли узатма бор.
