Мюнхеннинг "Бавария" клуби Transfermarkt порталидаги навбатдаги янгиланиш натижасига кўра, катта фарқ билан Бундеслиганинг энг қиммат клубига айланди. Шундай қилиб, топ-клуб ўйинчиларининг умумий қиймати 859 миллион еврони ташкил этди.
Бу рейтингнинг иккинчи клуби "Байер"никидан 200 млн евродан кўпроқ. Transfermarkt бўйича "доришунослар" футболчиларининг умумий қиймати - 644 млн. Учинчи ўрин "РБ Лейпциг" футболчиларига насиб этди - 511 млн. Тўртинчи ўрин - Дортмунднинг "Боруссия"сида, 346 млн. Ўйинчиларнинг умумий қиймати 333 миллион бўлган "Штутгарт" бешликни якунлади.
Айни дамда Германия чемпионатининг 27-туридан олдин "Бавария" "Байер"ни 6 очкога ортда қолдирмоқда.
