"Барселона" бош мураббийи Ханс-Дитер Флик ярим ҳимоячи Дани Ольмо ўрнига энг яхши вариантни танламоқда. 26 ёшли футболчи кеча Ла Лига доирасида "Осасуна"га қарши ўйинда (3:0) жароҳат олганди. Кейинроқ маълум бўлишича, испаниялик футболчи тахминан уч ҳафтани ўтказиб юборади.
Mundo Deportivo нашри хабарига кўра, Фликда Ольмони бўлажак ўйинларда алмаштириш учун учта вариант бор: Гави, Фермин Лопес ва Пабло Торре. 30 март, якшанба куни “кўк-анорранглилар” ўз уйида “Жирона”ни қабул қилади, уч кундан сўнг эса “Атлетико”га қарши Испания кубоги ярим финали жавоб ўйини учун Мадридга йўл олади.
Дани Ольмо ушбу мавсумда 28 ўйинда 8 гол ва 5 голга ассистентлик қилди.
