Туркия чемпионатининг 29-турида "Бешиктош" ўз майдонида "Галатасарой"ни мағлуб этди - 2:1.
Рафа Силва (23-дақиқа) ва Жедсон Фернандеш (66-дақиқа) томонидан киритилган голлар мезбонларга ғалаба келтирди. Меҳмонларнинг ягона голига 45-дақиқада Лукас Торрейра муаллифлик қилди.
Иккала жамоа ҳам ўйинни ўн киши бўлиб якунлади - 36-дақиқада "Галатасарой" форварди Пшемислав Франковски қизил карточка олди, ўйин охирида мезбонлар ҳужумчиси Семиҳ Киликса майдондан четлатилди.
"Галатасарой" (71) "Фенербаҳче"ни 6 очкога ортда қолдириб, Туркия чемпионатида пешқадамликни давом эттирмоқда, аммо рақибда битта захира ўйини бор. "Бешиктош" (47) турнир жадвалида тўртинчи ўринда бормоқда.
