"Манчестер Юнайтед" бош мураббийи Рубен Аморим январ ойидан бери "Бетис"да ижара асосида ўйнаётган Антони ҳақида гапирди.
25 ёшли футболчи Испанияда ўзини кўрсатди. Севиля клуби бразилиялик футболчини сотиб олишга қизиқмоқда, аммо қанот ҳужумчисининг нархи юқори бўлгани учун шартномани якунлаш қийин бўлади.
"Антони янги мавсум учун жамоамизнинг бир қисми бўладими? Мен аллақачон келажакни режалаштиряпман, лекин ҳозир бу ҳақда гапиришни истамайман. Мен бор эътиборимни кейинги ўйинга қаратишни афзал кўраман", - дейди Аморим.
Антони “Бетис” сафида 12 та ўйинда 4 та гол урди ва 4 та голли узатмани амалга оширди.
