"Вулверхэмптон" клуби ўзининг расмий сайти орқали ярим ҳимоячи Жоао Гомес билан шартномани узайтирганини эълон қилди. 24 ёшли бразилиялик беш йиллик янги меҳнат шартномасини имзолади.
Гомес "бўрилар" етакчиларидан бири бўлиб, миш-мишлар уни кўпинча топ-клублар билан боғлайди. "Transfermarkt" портали тахминий нархини оладиган бўлсак, Жоао 40 миллион евро нарх билан жамоанинг иккинчи энг қиммат ўйинчиси ҳисобланади. Ундан қимматроқ фақат Матеус Кунья (55 млн евро).
"Вулверхэмптон" АПЛ турнир жадвалида 17-ўринда ва хавфли зонадан 9 очкога олдинда бормоқда.
