Мадриднинг «Реал» клуби ярим ҳимоячиси Лука Модрич жамоани тарк этиш нияти йўқ эканини таъкидлаб ўтди. Охирги вақтларда инглиз матбуотида унинг Моуриньо ортидан «Челси»га ўтиши ҳақида гап-сўзлар болалаб кетган эди. Куни кеча Тhe Sun нашрига берган интервьюсида Модрич ҳаммасига чек қўйди.

«Мен «Реал»дан кетиш ҳақида ўйлаётганим ҳам йўқ, лекин бошқа жамоалардан таклифлар борлигини инкор эта олмайман.

Ҳар бир бола ёшлигида «Реал Мадрид»да ўйнашни орзу қилади. Мен ҳам болалигимда «Бланкос» кийими остида майдонга тушишни орзу қилардим.

Албатта, Моуриньонинг кетганидан хафа бўлдим. У менинг «Реал»даги суянчиғим эди. Моуриньо фантастик мураббий ва унинг қўл остида ҳаракат қилганимдан фахрланаман. У мени ўзимга ишонишимга ундарди. Унинг жамоасида ўйнаш ва у билан футбол ҳақида суҳбатлашиш жуда ажойиб.

Моуриньонга «Челси»даги фаолиятида фақат яхшиликларни тилайман. Ишончим комил, у ўзининг нималарга қодир эканини «Стэмфорд Бириж»да яна бир карра исботлайди»,- дейди Модрич.