Миланнинг "Интер" клуби ёзги трансферлар ойнасига қизғин тайёргарликни бошлаб юборди. "Нерадзуррилар"нинг энг асосий харидларидан бири "Марсель" вингери Луис Энрике бўлиши мумкин.

"Марсель" 23 ёшли бразилияликни камида 30 миллион еврога сотиши кутилмоқда. Клублар бир-бири билан яхши муносабатда бўлгани ва аллақачон бошқа ўйинчилар бўйича бир нечта қўшма битимларни ишлаб чиққани сабабли, бу келишув қисман алмашинувга айланиши мумкин, деб хабар беради Sultofcalcio.

Шуни ҳам қўшимча қилиш керакки, Энрике учун Мюнхеннинг "Бавария" клуби даъвогарлик қилмоқда. Франция чемпионатининг жорий мавсумида футболчи 27 та ўйинда майдонга тушиб, 7 та гол урди ва 5 та голли узатмани амалга оширди.