Milanning "Inter" klubi yozgi transferlar oynasiga qizg‘in tayyorgarlikni boshlab yubordi. "Neradzurrilar"ning eng asosiy xaridlaridan biri "Marsel" vingeri Luis Enrike bo‘lishi mumkin.

"Marsel" 23 yoshli braziliyalikni kamida 30 million yevroga sotishi kutilmoqda. Klublar bir-biri bilan yaxshi munosabatda bo‘lgani va allaqachon boshqa o‘yinchilar bo‘yicha bir nechta qo‘shma bitimlarni ishlab chiqqani sababli, bu kelishuv qisman almashinuvga aylanishi mumkin, deb xabar beradi Sultofcalcio.

Shuni ham qo‘shimcha qilish kerakki, Enrike uchun Myunxenning "Bavariya" klubi da’vogarlik qilmoqda. Fransiya chempionatining joriy mavsumida futbolchi 27 ta o‘yinda maydonga tushib, 7 ta gol urdi va 5 ta golli uzatmani amalga oshirdi.