"Атлетико" аллақачон трансфер бозори устида ишлай бошлаган. "Матрасчилар" бош мураббийи Диего Симеоне ҳимояни етакчилик фазилатларига эга бўлган футболчи билан кучайтиришни ва унинг асосий истаги "Тоттенхэм" ва Аргентина терма жамоаси ҳимоячиси Кристиан Ромерони сотиб олиш эканлигини айтди.
Аргентиналик мураббий аллақачон ҳамюрти билан алоқага чиққан. Бироқ, "Тоттенхэм" Ромерони 80 миллион евродан камига қўйиб юбориш ниятида эмас, бу эса потенциал трансфер имкониятини мураккаблаштиради. Ўз навбатида, аргентиналик футболчи фаолиятини Симеоне бошчилигида давом эттирмоқчи.
Жорий мавсумда 26 ёшли марказий ҳимоячи барча мусобақаларда 17 та ўйинда майдонга тушиб, ўз ҳисобига гол урди ва битта сариқ карточка олди.
