"Барселона" бош мураббийи Ханс-Дитер Флик жамоасининг Испания кубоги жавоб ярим финалида "Атлетико"га (1:0) қарши ўйини ҳақида қандай фикрда эканини айтди.
Каталонияликлар сафида кечган беллашувнинг 27-дақиқасида Ферран Торрес томонидан киритилган гол финал йўлланмасини тақдим этди. Қарама-қаршиликнинг умумий ҳисоби - 5:4.
"Бу ерда ўйнаш жуда қийин, аммо биз дадил ҳаракат қилдик. Биринчи бўлимда тўпни назорат қилдик, вазиятлар яратдик ва кўпроқ гол уришимиз мумкин эди. Ҳимоядаги ўйин идеал эди - ҳамма максимал даражада ҳаракат қилди, ҳар бир тўп учун курашди. Футболчилар билан фахрланаман. Жамоа анча яхши ўйнай бошлади, биз тўғри йўлдамиз," - деди Флик матбуот анжуманида.
