"Барселона" ҳимоячиси Жюль Кунде жамоанинг ҳозирги бош мураббий Ханс-Дитер Флик қўл остидаги ўйини ҳақида гапирди.
Каталонияликлар Испания Кубогининг ярим финал жавоб учрашувида Мадриднинг "Атлетико" жамоасидан устун келди (1:0) ва финал йўлланмасини қўлга киритди. "Кўк-анорранглилар" икки ўйинлик қарама-қаршилик натижасига кўра, "матрасчилар"ни умумий 5:4 ҳисобида мағлуб этишди.
"Биз Фликнинг услубини тушунамиз, бизга бундай футбол ёқади. Биз мураббий билан доимо ўйиндан завқ олиш қанчалик муҳимлиги ҳақида гаплашамиз. Футболдан завқлансанг, муваффақиятга эришиш осонроқ бўлади," - деди Кунде ўйиндан кейинги интервьюсида.
